Fernando Torres ចូលរួមជាមួយ អង្គរថាយហ្គឺរ ក្នុងជើងទី២ នៃលីគកំពូលកម្ពុជា

ក្លឹបបាល់ទាត់ អង្គរថាយហ្គឺរ បានឈានដល់កិច្ចព្រមព្រៀងនាំយកកីឡាករបរទេសថ្មី ដើម្បីជំនួសកន្លែងកីឡាករជនជាតិជប៉ុន Yudai Ogawa ដែលបានចាកចេញកាលពីសប្តាហ៏មុន និងដើម្បីពង្រឹងក្រុមក្នុងជើងទី២ នៃពានរង្វាន់មិត្តហ្វូនខេមបូឌានលីគ ២០១៩ ផងដែរ។ កីឡាករចំនូលថ្មីរូបនោះមានឈ្មោះថា Fernando Cozar Torres (Nando) មានវ័យ២៨ឆ្នាំ មានកំពស់ ១,៨៨ cm កើតនៅទីក្រុង Cádiz ប្រទេស អេស្ប៉ាញ។

Nando បាននិយាយថា “ខ្ញុំសំរេចចិត្តចូលរួមជាមួយក្លឹប អង្គរថាយហ្គឺរ ពីព្រោះតាំងពីយូរមកហើយ ខ្ញុំចង់ប្រកបអាជីពបាល់ទាត់នៅក្នុងទ្វីបអាស៊ី ហើយខ្ញុំបានដឹងថាក្លឹប អង្គរថាយហ្គឺរ កំពុងតែរីកចម្រើននៅក្នុងពេលបច្ចុប្បន្ន ហើយកំពុងឈរក្នុងលេខរៀងដ៏ល្អថែមទៀតផង ដើម្បីព្យាយាម ឈ្នះពានរង្វាន់មួយនេះ។ បន្ទាប់ពី 3ថ្ងៃនៅទីនេះខ្ញុំមានអារម្មណ៍ល្អ ហើយពិតជាចង់លេងខ្លាំងមែនទែន។ ខ្ញុំពិតចង់ឈ្នះពាន និងឡើងទៅលេង ពានរង្វាន់ AFC ជាមួយ អង្គរថាយហ្គឺរ និងជួយដល់ក្លឹបនូវអ្វីគ្រប់យ៉ាងដែលខ្ញុំអាចធ្វើបានចំពោះក្លឹប។