Kosuke Uchida និយាយអំពីការប្រកួតទល់នឹងក្រុមបឹងកេត

ការប្រកួតពានរង្វាន់ មិត្តហ្វូន ខេមបូឌាន លីគ បានត្រឡប់មកវិញសារជាថ្មី ខណៈក្រុមបាល់ទាត់ អង្គរថាយហ្គឺរ និងត្រូវប្រកួតជាមួយក្រុមការពារតំណែងជើងឯក បឹងកេត នៅថ្ងៃទី ២៣ ខែ ឧសភា។ ជាមួយគ្នានេះផងដែរ កីឡាករសម្បូរបទពិសោធន៍ Kosuke Uchida ក៏បាននិយាយខ្លះៗ ទាក់ទងទៅនឹងការប្រកួតនេះផងដែរ ដោយបានលើកឡើងថា «ខ្ញុំពិតជារីករាយដែលបានលេងទល់នឹងក្រុម បឹងកេត ម្ដងទៀត ក្នុងនាមជាកីឡាកររបស់ អង្គរថាយហ្គឺរ»។

«វាប្រហែលជាការចាប់ផ្ដើមមិនល្អរបស់ពួកគេ ប៉ុន្តែជាការពិតណាស់ ពួកគេនៅតែជាក្រុមដ៏ល្អមួយដែលគ្រប់គ្នាតែងស្កាល់។ ពួកយើងកំពុងផ្ដោតលើខ្លួនយើងផ្ទាល់នូវអ្វីដែលពួកយើងត្រូវធ្វើ ហើយពួកយើងរៀបចំបានល្អ។» Kosuke និយាយដូច្នេះ

កីឡាករសញ្ជាតិជប៉ុនបន្តថា «យើងត្រូវតែលេងឲ្យអស់ពីសម្ថភាពនៅលើទីលាន ដើម្បីទទួលជ័យជម្នះ។ ជាចុងក្រោយខ្ញុំចង់អរគុណទៅដល់អ្នកគ្រប់គ្នាដែលគាំទ្រពួកយើង។ ពួកយើងពិតជារីករាយដែលអាចលេងបាល់ទាត់ក្នុងស្ថានភាពដ៏លំបាកនេះបាន។»

គួររំលឹកផងដែរថា ក្រុមបាល់ទាត់បឹងកេត គឺជាក្រុមរបស់លីគកំពូលកម្ពុជាដំបូងគេដែល Kosuke Uchida ធ្លាប់បានលេងទល់ជាមួយ ពោលគឺនៅពេលរូបលោកកំពុងស្ថិតនៅក្រុម Lanexang United។